सगुण निर्गुण दोन्हीं समरस झालें । पहातां निवाले नयन माझे ॥१॥
सच्चिदानदें मुखर्त्रितय धरिलें । गुणैश्वर्य झालें भुजषट्क ॥२॥
वेद मूक झाले नेति नेति गाती । श्वानरुपें वाहती पुढें मागें ॥३॥
शास्त्रें पक्षिरुपें कल्लोळ करिती । स्मशान वसति केली देवें ॥४॥
योगभूमि हेचि संत वाखाणिती । श्वान सुरभि पाहाती एक दृष्टि ॥५॥
ब्रह्मानंदे टाळी पिटीतां हो ’रंगे’ । भव भय भंगे काळ कांपे ॥६॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
