संत ओळखावे शीतळ स्वभावें । तनु मन भावें सेवा कीजे ॥१॥
मृदु नवनीत कठिण पर्वत । प्रसंग उदित होई जैसा ॥२॥
मुखीं रामनाम अन्य नसे काम । पाहतां विश्राम वाटे जीवा ॥३॥
पर उपकारें झिजविती देह । ब्रह्मांडीं निःस्नेह वर्तताती ॥४॥
आप पर नाहीं निःसंग सदाही । रागद्वेष कांहीं नसे जेथें ॥५॥
दया तोचि धर्म दान तेंचि कर्म । तितिक्षेचें वर्म मूर्तिमंत ॥६॥
पतित उद्धार हाचि कुलाचार । ’रंग’ मिथ्याचार लेश नसे ॥७॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
