न मिळो तें अन्न वस्त्र प्रावरण । परी दत्त जाण अंतरी ना ॥१॥
कवडीमोल धन होवो निःसंतान । न राहो निशान कोण रडे ॥२॥
हेंचि मागों देवा दे गा संतसेवा । अंतरीं केशवा ठाणें देईं ॥३॥
न पडो विसर अवधूत धूसर । सबाह्यअंतर तूंचि देवा ॥४॥
जग हें निःसार तूंचि एक सार । वृत्ति त्वदाकार होवो माझी ॥५॥
सदा मुखीं नाम आन नसो काम । मोह दाम चाम निरसीं वेगीं ॥६॥
’रंग’ तोक तुझें भव रोगें कूजे । कोण वैद्य दूजें तुज विण ॥७॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
