नृसिंहसरस्वती । मनि धरुनियां प्रीती ॥
ओवाळीतों शेजारती । अंगीकाराया श्रीपती ॥ धृ. ॥
ब्रह्मा येउनि देव देवा । म्हणे कोण कोण जीवा ॥
उपजवूं कोठे केव्हां । संदेश हा मज व्हावा ॥ नृसिंह. ॥ १ ॥
विष्णुही येऊनीयां आज्ञा मागे वंदुनियां । कोण जीवा काय खाया ॥
कैसे देऊं कवणे ठाया ॥ नृसिंह.॥ २ ॥
येऊनियां महादेव । वंदूनीया पादद्वंद ॥
ज्ञान कोणा देऊं देवा । आज्ञा करा स्वयमेवा ॥ नृसिंह. ॥ ३ ॥
अंबा म्हणे बाळ यती । फार झाली असे राती ।
झोंप आलीं तुजप्रतीं । भक्त रक्षुनी श्रम होती ॥ नृसिंह. ॥ ४ ॥
विनविती भक्तवृंद । सेवा घेउनिया छंद ॥
पुरवुनि दे ब्रह्मानंद ॥ भीमाप्रौत्रानंदकंद ।
नृसिंहसरस्वती. ॥ ५ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
