हेचि गुह्मा ज्ञान सांगितलें मज । तेणे मी सहज मीची झालों ॥१॥

हेचि मत्स्येंदासी ज्ञान आदिनाथें । कथिलें निवृत्तीनाथें ज्ञानदेवा ॥२॥

तेथुनी हें संती रुढली परंपरा । आदिनाथ गुरु संप्रदायीं ॥३॥

सोळा अभंगाचा लिहुनी प्रबंध । गोदा तटी सिद्ध संत मेळी ॥४॥

उद्धाराया विश्वा धाडिला पैठणीं । उरलें याहोनी नाहीं आतां ॥५॥

येथुनी उपदेश झाला सांग पूर्ण । तारक हे ज्ञान सेवो विश्व ॥६॥

म्हणे जनार्दन वचन बांधी गांठीं । उघडी भ्रमताटी एकनाथा ॥७॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Comments
हमारे टेलिग्राम ग्रुप से जुड़े। यहाँ आप अन्य रचनाकरों से मिल सकते है। telegram channel