यत्र तत्र सर्वत्र
यत्र तत्र सर्वत्र
बिनकामाचे मानपत्र
माध्यमांचे त्रिनेत्र
दिखाऊ विकासकामाचे शास्त्र
इव्हेंटचा बागूलबुवा
कृतीचा कांगावा
भाडोत्री गर्दीने पहावा
प्रशासकीय देखावा
झाकपाक टेक्नोसॅव्ही
पोकळ क्रांती ठरावी
गरजवंत असे निनावी
योजनांचे फ्लेक्स गावोगावी
निधीला नसे तोटा
उत्पन्नाचा फुगवटा
करवसुलीचा वरवंटा
विकासपर्वाच्या लाटा
विदेशी गुंतवणूकीला प्राधान्य
गाढवी कामे धन्य धन्य
सरकारी आकडेवारी सर्वमान्य
शेतकऱ्यांचे दारूण दैन्य
--भूषण वर्धेकर
4-10-2015
रात्रौ 11:30
दौंड
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
