उगी उगी गे उगी

आभाळातून खाली येते चांदोबाची पहा बगी

ढगावरून ती चाले गाडी

शुभ्र पांढरी जरा वाकडी

ससा सावळा धावत ओढी

असली अद्‌भुत गाडी कुठली रडणार्‍यांच्या कुढ्या जगी

चांदोबाच्या बघ माथ्यावर

निळसर काळी छत्री सुंदर

नक्षत्रांची तिजसी झालर

हसणार्‍यांच्या घरी पिकवतो सर्व सुखाची चंद्र सुगी

उगी पहा तो खिडकियात

चांदोबाचा आला हात

हात आईचा जणु दुधात

घे पापा तू त्या हाताचा भरेल इवले पोट लगी

गीत - ग. दि. माडगूळकर

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Comments
हमारे टेलिग्राम ग्रुप से जुड़े। यहाँ आप अन्य रचनाकरों से मिल सकते है। telegram channel